प्रधानमन्त्रीद्वारा सबै नागरिकलाई खोप लगाईने प्रतिबद्धता

May 28, 2021   Filed under ब्लग / रिपोर्ट >>>> Please Subscribe our Youtube Channel

प्रधानमन्त्री केपी शर्मा ओलीले कोभिड–१९ विरुद्ध सबै नागरिकलाई खोप लगाइने र महामारीलाई नियन्त्रण गरिने प्रतिबद्धता व्यक्त गरेका छन् ।

प्रधानमन्त्री ओलीले शुक्रबार राष्ट्रका नाममा सम्बोधन गर्दै पहिलो डोज लगाएर दोस्रो डोज लगाउन प्रतीक्षारत र अन्य सबैलाई खोपको प्रबन्ध गरिने बताएका हुन् ।

खोपको असमान वितरण हुँदा विकासशील मुलुकका समग्र योजना प्रभावित भएको उल्लेख गर्दै उनले यपसमा विश्वव्यापी सहकार्य हुनु पर्नेमा जोड दिए ।

प्रधानमन्त्री ओलीले महामारी रोकथाम तथा नियन्त्रणका लागि एकीकृत र समन्वयात्मक र समग्र राष्ट्रिय नीति आवश्यक पर्ने जनाउँदै जारी निषेधाज्ञा जनताको जीवन सुरक्षाकै लागि भएको उल्लेख गरे ।

उनले बिरामीको सेवामा खटिएका स्वास्थ्यकर्मीमाथि हुने कुनै पनि आक्रमणमाथि कडा कारबाही गरिने पनि बताए ।

देशमा पछिल्लो २४ घण्टा ६९५१ जनामा कोरोना संक्रमण पुष्टि

May 28, 2021   Filed under कोभिड अपडेट >>>> Please Subscribe our Youtube Channel

देशमा पछिल्लो २४ घण्टा ६९५१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले शुक्रबार दिएको जानकारी अनुसार विभिन्न जिल्लामा गरिएको पीसीआर परीक्षणमा ६८५५ जना र एन्टिजेन परीक्षणमा ९६ गरी ६९५१ मा कोरोना पुष्टि भएको हो ।

यस्तै शुक्रबार ९८४१ जना कोरोना संक्रमणमुक्त भएका छन् । पछिल्लो २४ घण्टामा थप ९६जनाको मृत्यु भएको मन्त्रालयले जनाएको छ ।